USD
Біздің елдегі краудфандингтің ордасы – әлеуметтік желі. Интернет көмек сұраған хабарландыруға толы. Ауырғандар, далада қалғандар, жетім мен жесір бұқараға үміт артады. Халық көмек қолын созады. Біреу қаржы аударады, енді біреу әлгі хабарландыруды таратады. Бірақ, қайырымдылықтың қалтарысында кімдер тұрғанына қарамайды. Ал, «медальдің екінші жағы» нені жасырады? Мысалы, Ақтөбе облысында деструктивті діни ағым жақтастары көсемдерінен пәтуа алып, садақаға өз несиелерін жапқан. Қымбат көлік алған. Тағы бір ағым «жастарға тегін білім береміз» деген сылтаумен қаржы жинаған. Жымысқы тірліктері ашылып, қор жабылды. Бірақ, олардың садақа жәшіктеріне қара құлып салынбады. Осылайша қайырлы істі қайырсыз еткендер көп. Сондықтан қазір бұл салада тәртіп пен талап орнату қажет деген бастама көтерілді.
