USD
23 тамызда өтетін Қазақстан Республикасы Құрылтайы депутаттарының сайлауы қарсаңында азаматтар өздерінің қай сайлау учаскесінде дауыс беретінін алдын ала анықтай алады.
Бұл үшін GOV.KZ платформасында арнайы онлайн-қызмет іске қосылды. Сервис арқылы сайлаушылар өз учаскесінің нөмірін және дауыс беру орнының нақты мекенжайын бірнеше минут ішінде біле алады.
Азаматтарға қолайлы болуы үшін бірден үш интернет-сервис ұсынылған. Ол үшін қажетті сайтқа кіріп, өңірді таңдап, жеке сәйкестендіру нөмірін (ЖСН) енгізу жеткілікті. Осыдан кейін жүйе сайлау учаскесінің нөмірі мен орналасқан мекенжайын көрсетеді.
Бұдан бөлек, бұл мүмкіндік eGov Mobile мобильді қосымшасында да қолжетімді. Онлайн-қызметті қосымшаның «Танымал қызметтер» бөлімінен табуға болады.
Сондай-ақ сайлау учаскесін анықтау сервистеріне QR-код арқылы да жылдам өту мүмкіндігі қарастырылған. Бұл азаматтарға дауыс беру орны туралы ақпаратты алдын ала нақтылап, сайлау күні уақытты үнемдеуге мүмкіндік береді.
