USD
Қарқаралы тауларында бір отбасы мүшелерінің есімдері жазылып кеткен жартас анықталды.
Оқиға орнынан түсірілген бейнежазба әлеуметтік желіде таралып, жұрт наразылығын туғызды.
Полицияның мәліметінше, жазуларды Қарағандыдан келген отбасы жазып кеткен. Отағасы – 1977 жылы туған ер адамға қатысты екі әкімшілік хаттама толтырылды: ұсақ бұзақылық және ерекше қорғалатын табиғи аумақтарда жүріп-тұру ережесін бұзу.
«Мұндай әрекеттер табиғи нысандарға зиян келтіреді және заң бұзушылық болып саналады. Аталған факті бойынша материалдар сотқа жолданады», – деді полиция өкілдері.
Енді ер адам табиғи нысанды бүлдіргені және белгіленген тәртіпті бұзғаны үшін жауап береді.
