Қазақстанда алдағы күндері күн суытып, қар жауады: синоптиктер үш күндік болжамды жариялады
«Қазгидромет» мамандары Қазақстан бойынша алдағы үш күнге арналған ауа райы болжамын ұсынды. Синоптиктердің хабарлауынша, ел аумағына солтүстік циклон келіп, бірқатар өңірде жауын-шашын мен температураның төмендеуіне себеп болады.
Болжамға сәйкес, ауа райындағы өзгерістер алдымен батыс аймақтарда байқалып, кейін еліміздің басқа бөліктеріне таралады. Солтүстік өңірлерде қар аралас жаңбыр жауып, жолдарда көктайғақ болуы ықтимал.
5–6 қарашада батыс және солтүстік-батыс облыстарда жаңбыр мен қар күтіледі. Ал 6 қарашада оңтүстік пен орталық аймақтарда нөсер жаңбыр жаууы мүмкін.
Синоптиктердің мәліметінше, өңірлер бойынша ауа температурасы әртүрлі болады:
- Батыс Қазақстанда: түнде 0…+7 градус, күндіз +3…+14 градус.
- Солтүстік-батыста: түнгі температура -1…-8 градус аралығында, күндіз +1…+15 градус болады.
- Солтүстік және орталық өңірлерде: түнде ауа температурасы -3…-8 градустан 0…+6 градусқа дейін өзгереді. Күндіз бастапқы +5…+13 градустан +1…+10 градусқа дейін төмендейді.
- Шығыс Қазақстанда: түнде -3…-8 градустан 0…+5 градусқа дейін жылынады. Күндіз +3…+8 градустан +7…+12 градусқа дейін көтеріледі.
- Оңтүстік және оңтүстік-шығыс аймақтарда: ауа температурасы айтарлықтай өзгермейді.
Осылайша, алдағы күндері еліміздің бірқатар өңірінде қыс мезгілінің алғашқы белгілері байқалуы мүмкін. Әсіресе солтүстік аймақтарда көлік жүргізушілеріне көктайғақ кезінде жолда сақ болу ұсынылады.
USD