Санадағы қарусыз қақтығыс

Бүгінгі қауіп әрдайым көзге көріне бермейді. Кейде ол қарумен емес, ақпаратпен, жалған уағызбен және сананы манипуляциялаумен жүзеге асады. Деструктивті діни ағымдар адамдардың сенімін теріс пайдаланып, оларды отбасы мен қоғамнан оқшаулауға, дәстүрлі құндылықтарды жоққа шығаруға және өз идеологиясына толық бағындыруға ұмтылады. Мұндай топтар әлеуметтік желілерді, мессенджерлерді және түрлі онлайн платформаларды белсенді пайдаланып, әсіресе жастарды нысанаға алады.