USD
Tesla АҚШ-та 20 мыңнан астам электромобилін кері қайтарып жатыр
Америкалық Tesla компаниясы АҚШ нарығындағы 20,3 мың электромобилін кері қайтару туралы шешім қабылдады. Бұған көліктердің жақын жарық шамдарына қатысты ақау себеп болған.
Бұл туралы АҚШ-тың Жол қозғалысы қауіпсіздігі ұлттық басқармасы (NHTSA) хабарлады.
Ведомствоның мәліметінше, кейбір көліктердің фаралары шамадан тыс жарық беруі мүмкін. Мұндай жағдай қарсы бағытта келе жатқан жүргізушілердің көру қабілетін уақытша нашарлатып, жол-көлік оқиғасының қаупін арттырады.
Кері қайтару науқаны Tesla-ның Model 3 және Model Y үлгілеріне қатысты.
Компания ақауды жою үшін тиісті шараларды қабылдап, иелеріне көліктерін тексеру және қажетті түзету жұмыстарын жүргізу тәртібі туралы ақпарат береді.
