USD
Алматыдағы мектепте астан уланған 58 оқушы ауруханадан шықты
Алматыдағы Республикалық физика-математика мектебінің асханасында тамақтан уланып, ауруханаға жеткізілген 58 оқушының барлығы үйіне шығарылды. Бұл туралы қалалық Денсаулық сақтау басқармасы редакцияға хабарлаған.
Ведомствоның мәліметінше, балалардың барлығы Балалар қалалық клиникалық инфекциялық ауруханасында ем қабылдаған. Қазіргі уақытта олардың ешқайсысы стационарда қалмаған.
Оқиға осыдан он күн бұрын болған. Оқушылардың жаппай улану дерегінен кейін мектепте тиісті тексеру жұмыстары басталып, білім беру мекемесінің жұмысы уақытша тоқтатылған еді.
Оқиғаның мән-жайын анықтау үшін мектептегі тамақтандыру жүйесі мен санитарлық талаптардың сақталуына қатысты тексерулер жүргізілгені хабарланды.
