USD
«Қорғаста» Қытайға заңсыз әкетілмек болған 620 ақбөкен мүйізі тәркіленді
Қазақстанда ақбөкен мүйіздерін шетелге заңсыз шығаруға бағытталған әрекеттің жолы кесілді. ҰҚК Шекара қызметінің мәліметінше, 20 қазанда халықаралық шекара маңы ынтымақтастығы орталығы «Қорғаста» Қытайға жөнелтілмек болған 620 дана ақбөкен мүйізі анықталған.
Ведомствоның бағалауынша, тәркіленген мүйіздердің қара нарықтағы құны шамамен 180 млн теңгеге жетуі мүмкін.
Оқиғаға қатысты материалдар тиісті процестік шешім қабылдау үшін құзыретті органға жолданады.
Ұлттық қауіпсіздік комитеті тергеу мүддесіне байланысты істің өзге мән-жайларын жарияламады. Бұл шектеу Қазақстан Республикасы Қылмыстық-процестік кодексінің 201-бабының 1-бөлігіне сәйкес енгізілген.
Ақбөкен мүйіздерінің заңсыз айналымы жабайы жануарларды қорғау және биоалуантүрлілікті сақтау мәселелерінің өзектілігін тағы да көрсетті.
