Павлодарда қыздың ChatGPT-ге жазған хабары 20 жыл бұрын емес, бес жыл бұрын басталған ауыр қылмысты ашуға көмектесті
Павлодар облысында алты жасынан бастап туыс қарындасын бірнеше рет зорлаған ер адам 20 жылға бас бостандығынан айырылды. Қылмыстың әшкереленуіне жасөспірімнің ChatGPT жасанды интеллект құралына жазған хабары себеп болған.
Сот материалдарына сәйкес, ер адам 2020 жылдан бастап кәмелетке толмаған қызға қатысты зорлық-зомбылық жасаған. Бала басынан өткен жағдайды ұзақ уақыт бойы ешкімге айтпай, ішіне сақтап келген.
Арада бес жыл өткенде ер адам қызбен қайта байланысқа шығып, мазасын ала бастаған. Тіпті оған гитара сыйлауға уәде берген. Бұрынғы қорлықтың қайталануынан қорыққан жасөспірім көмек іздейді. Алайда ішкі сырын жақындарына айтуға батпай, ChatGPT-ге жүгінеді.
Жасанды интеллект оған қолдау орталығына хабарласуға кеңес берген. Қыз орталық мамандарына жүгінгеннен кейін жағдай тиісті органдарға жеткізіліп, қылмыстық іс қозғалған. Осылайша, бірнеше жыл бойы жасырын қалған қылмыс әшкереленді.
2026 жылғы 3 қарашада Павлодар облысының қылмыстық істер жөніндегі мамандандырылған ауданаралық соты істі қарап, ер адамды ҚР Қылмыстық кодексінің 121-бабы 4-бөлігі бойынша кінәлі деп таныды. Ол өз кінәсін мойындамаған. Сот отырысы жабық режимде өтті.
Сот үкімімен айыпталушы 20 жылға бас бостандығынан айырылды. Ол жазасын орташа қауіпсіздік мекемесінде өтейді. Сонымен қатар оған өмір бойына педагогикалық қызметпен айналысуға тыйым салынды.
USD