USD
Салтанат Нүкенованың өліміне байланысты қылмысты жасырғаны үшін сотталған Бақытжан Байжановқа рақымшылық туралы заң қолданылды. Соның нәтижесінде ол жақын уақытта бостандыққа шығуы мүмкін.
Бұл ақпаратты Байжановтың қорғаушысы Ғазиз Ынтықбаев растады. Оның мәліметінше, Степногорск қалалық соты рақымшылық жасау туралы өтінішті қарап, оң шешім шығарған.
Адвокаттың айтуынша, сот отырысы онлайн форматта өткен. Енді сот қаулысы түзеу мекемесіне ресми түрде жолданғаннан кейін Бақытжан Байжанов қамаудан босатылады.
Еске салайық, Бақытжан Байжанов Салтанат Нүкенованың өліміне қатысты қылмысты жасырғаны үшін 4 жылға бас бостандығынан айырылған болатын.
