USD
Батыс Қазақстан облысында пайдаланылмай жатқан ауыл шаруашылығы жерлері мемлекет меншігіне қайтарылды. Бұл бағыттағы заң бұзушылықтарды Сырым ауданының прокуратурасы анықтаған.
Тексеру барысында жалпы аумағы 6,2 мың гектардан асатын жер телімдерінің ұзақ уақыт бойы игерілмегені белгілі болды. Прокуратура мәліметінше, бірқатар жер пайдаланушылар ауыл шаруашылығы мақсатындағы учаскелерді заңнама талаптарына сәйкес нысаналы мақсаты бойынша пайдаланбаған.
Қадағалау актілерінің нәтижесінде кадастрлық құны 75 миллион теңгеден асатын 6 200 гектардан астам жер мемлекетке қайтарылды. Қазіргі уақытта бұл жерлерді заңды экономикалық айналымға енгізу жұмыстары жүргізіліп жатыр.
Прокуратураның хабарлауынша, Президент тапсырмасына сәйкес қайтарылған жерлерді ауылдық жерлерде тұратын және жерді тиімді игеруге дайын адал ниетті азаматтар мен шаруашылық субъектілеріне беру жоспарланған.
