USD
31 шілде күні Жетісу ауданының демалыс орталықтарында тәрбиеленіп жатқан жастардың қатысуымен жастар ұйымдарынан құралған «Менің таңдауым» коалициясының ұйымдастыруымен Бутақты шатқалында алғаш рет ауқымды экологиялық сенбілік өткізілді.
«Таза Қазақстан» жалпыұлттық бастамасы аясында жастардың экологиялық мәдениетін қалыптастыру, қоршаған ортаны қорғауға деген жауапкершілігін арттыру, табиғи аумақтардың тазалығын сақтау және жастарды қоғамдық пайдалы бастамаларға белсенді қатысуға ынталандыру мақсатында Бутақты шатқалында ауқымды экологиялық сенбілік өтті.
Экологиялық акцияға 800-ден астам белсенді жас қатысып, табиғи аумақты тұрмыстық қалдықтардан тазартуға атсалысты. Жастар бірлесіп жұмыс істеп, қоршаған ортаны қорғаудың маңыздылығын іс жүзінде көрсетті.
Іс-шара барысында қатысушылар табиғатты таза ұстау, экологиялық жауапкершілікті арттыру және табиғи аумақтарға ұқыпты қарау мәселелеріне ерекше назар аударды. Бірлескен еңбек арқылы жастар қоршаған ортаны қорғау мәдениетін қалыптастыруға өз үлестерін қосты.
Жастардың пікірінше, қоршаған ортаға жанашырлық таныту және елдің болашағына жауапкершілікпен қарау – әр азаматтың ортақ міндеті. Осы ретте қатысушылар жастарды 23 тамызда өтетін Құрылтай сайлауына белсенді қатысуға, азаматтық ұстанымын білдіруге және қоғамдық өмірге белсенді араласуға шақырды.
Экологиялық сенбілік жастардың бірлігі мен белсенділігін арттырып қана қоймай, табиғатты қорғау мәдениетін қалыптастыруға және қоғамдағы азаматтық жауапкершілікті нығайтуға бағытталған маңызды бастама болды.
«Таза Қазақстан» – қоршаған ортаның тазалығын сақтауға ғана емес, жастардың азаматтық белсенділігі мен қоғамдық жауапкершілігін арттыруға бағытталған ортақ бастама.
