USD
Трамп Иран басшылығын келіссөздерге қатысты ұстанымы үшін сынады
АҚШ президенті Дональд Трамп Иран Ислам Республикасымен келіссөздердің кезекті кезеңі өтетінін мәлімдеді. Ол бұл туралы әлеуметтік желідегі жазбасында хабарлады.
Америкалық көшбасшының айтуынша, Тегеран бір жағынан АҚШ өкілдерімен кездесу өткізуге ниет білдірсе, екінші жағынан мұндай байланыстарды көпшілік алдында жоққа шығарып отыр. Трамп Иран билігінің әрекеттерін сынға алып, оны «екіжүзділік» деп бағалады.
«Иран басшылығы шектен шыққан екіжүзді», — деп жазды АҚШ президенті.
Сонымен қатар Трамп Иран тарапынан жасалған мәлімдемелерге қарамастан, америкалық әскери күштердің Ормуз бұғазы аймағындағы жағдайды бақылауда ұстап отырғанын айтты.
АҚШ президенті Вашингтонның Тегеранмен ядролық бағдарлама мәселесін шешу бойынша келіссөздер жүргізіп жатқанын атап өтті. Оның сөзінше, басты мақсат — Иранның ядролық қаруға ие болуына жол бермеу.
