USD
Каспийдегі қайғылы оқиғадан кейін Әскери-теңіз күштерінің бұрынғы бас қолбасшысы қамауға алынды
Маңғыстау облысында Каспий теңізінде болған қайғылы жағдайға байланысты жүргізіліп жатқан тергеу аясында Қазақстан Қарулы Күштері Әскери-теңіз күштерінің бұрынғы бас қолбасшысы Қанат Ниязбеков ұсталып, қамауға алынды.
Оқиға әскери оқу-жаттығу кезінде әскери қызметшілердің қаза болуына байланысты тіркелген. Қазір құқық қорғау органдары болған жағдайдың мән-жайын анықтап, қылмыстық іс бойынша тергеу жұмыстарын жүргізіп жатыр.
Ішкі істер министрлігінің мәліметінше, істі тергеу барысында Әскери-теңіз күштерінің бұрынғы бас қолбасшысына қызметіне салғырт қарады деген күдік келтірілген. Ол ұсталып, уақытша ұстау изоляторына қамалған.
Ведомствоның хабарлауынша, күдіктіні қамауға алу туралы шешімді сот санкциялаған. Ниязбековтің әскери атағы — бірінші дәрежелі капитан.
Қазіргі уақытта қылмыстық іс бойынша сотқа дейінгі тергеп-тексеру жалғасып жатыр. Тергеу нәтижесінде қайғылы оқиғаның нақты себептері мен оған қатысты өзге де мән-жайларға құқықтық баға берілмек.
