USD
Атырауда полиция қызметкері өрт кезінде жедел әрекет жасап, тұрғындарды қауіпсіз жерге шығарды.
Оқиға Махамбет Өтемісұлы көшесіндегі тұрғын үйлердің бірінің ауласында болған. Алдын ала мәлімет бойынша, электр желісіне тиіп тұрған ағаш бұтақтары тұтанып, өрт шыққан.
Сол маңнан өтіп бара жатқан Атырау қаласы полиция басқармасының ювеналды полиция тобының инспекторы Максим Доскалиев жағдайды байқап, уақыт жоғалтпай көмекке кіріскен. Полицей үйге кіріп, тұрғындарды сыртқа шығарып, оларды қауіпсіз орынға жеткізді.
Оның жедел шешімі мен қырағылығының арқасында адамдар дер кезінде эвакуацияланып, қауіпті жағдайдың алдын алуға мүмкіндік туды.
Сонымен қатар Максим Доскалиев өрт сөндіру қызметіне хабар беріп, төтенше жағдай мамандары келгенге дейін тұрғындардың қауіпсіздігін бақылауда ұстады және оларды қауіпті аумаққа жақындамауға шақырды.
