USD
Қазақстандық ауыр атлет Азия чемпионатында үш бірдей рекордпен алтын алды.
Қазақстандық ауыр атлет Бейбарыс Ерсейіт Ташкентте өтіп жатқан 17 жасқа дейінгі спортшылар арасындағы Азия чемпионатында жеңімпаз атанды.
65 келіге дейінгі салмақ санатында бақ сынаған қазақстандық спортшы қос сайыс қорытындысы бойынша 281 келі салмақты еңсерді. Оның нәтижесі жұлқа көтеруде — 129 келі, серпе көтеруде — 152 келі болды.
Бейбарыс Ерсейіт жұлқа көтеру бағдарламасында да қарсыластарынан басым түсті.
Спортшының қос сайыстағы 281 келілік көрсеткіші мен жұлқа көтерудегі нәтижесі 17 жасқа дейінгі санаттағы Азия рекорды ретінде тіркелді.
Осылайша қазақстандық атлет құрлық біріншілігін алтын медальмен аяқтап, өз есімін Азия рекордтары тізіміне енгізді.
