USD
Сауд Арабиясындағы әуежайға шабуыл жасалды: бір адам қаза тауып, сегізі жараланды
Сауд Арабиясының Даммам қаласындағы король Фахд атындағы халықаралық әуежайға жасалған шабуыл салдарынан бір адам көз жұмып, тағы сегіз адам жарақат алды.
Телеарна таратқан ақпаратқа сәйкес, шабуылды Йемендегі хуситтер жасаған. Жарақат алған азаматтардың барлығы медициналық көмек көрсету үшін ауруханаларға жеткізілген.
Бұған дейін, 21 қазанда, Сауд Арабиясындағы «Шайба» мұнай кен орнына да әуеден шабуыл жасалғаны хабарланған болатын. Әуе шабуылына қарсы қорғаныс күштері нысанға бағытталған соққыны тойтарғанымен, оқиға салдарынан екі адам қаза тапқаны айтылды.
Осы жағдайларға байланысты Қазақстанның Сыртқы істер министрлігі Сауд Арабиясында жүрген қазақстандықтарды қауіпсіздік талаптарын сақтауға және жергілікті билік органдарының нұсқауларын орындауға шақырған болатын.
