USD
Шымкентте пәтер өртеніп, 1959 жылы туған ер адам көз жұмды
Шымкент қаласындағы Теріскей шағын ауданында орналасқан бес қабатты тұрғын үйден өрт шығып, қайғылы жағдай тіркелді. Оқиға салдарынан бір адам қаза тапты.
Төтенше жағдайлар департаментінің мәліметінше, пәтердегі шамамен 4 шаршы метр аумақтағы үй заттары жанған. Құтқарушылар оқиға орнынан 8 тұрғынды, оның ішінде бір баланы қауіпсіз жерге шығарған. Алайда өрт сөндірілгеннен кейін пәтер ішінен 1959 жылы туған ер адамның мәйіті табылды.
Аталған дерек бойынша Қылмыстық кодекстің 292-бабы 2-бөлігімен қылмыстық іс қозғалды. Қазіргі уақытта қажетті сараптамалар тағайындалып, тергеу амалдары жүргізіліп жатыр.
Айта кетейік, осы үйде биыл қазан айында өрт қауіпсіздігі бойынша профилактикалық түсіндіру жұмыстары жүргізілген. Мамандар тұрғындарға электр құрылғыларын қараусыз қалдырмауды және өрт қаупі туындаған жағдайда 101 немесе 112 нөміріне хабарласуды ескертеді.
