USD
Сочиде қызғаныштан ер адам әйелін және көршісін өлтірді
Сочиде 50 жастағы әйел мен оның 58 жастағы көршісінің өліміне қатысты ер адам ұсталды. Алдын ала мәлімет бойынша, қылмысқа қызғаныш себеп болған.
Оқиға Хлебороб ауылындағы үйлердің бірінің ауласында болған. Ерлі-зайыптылар арасында жанжал туып, ер адам әйелін көршісіне қызғанған. Кикілжің кезінде ол әйеліне пышақпен бірнеше рет соққы жасаған. Әйел алған жарақаттарынан оқиға орнында көз жұмды.
Осыдан кейін күдікті көрші аулаға барып, онда болған 58 жастағы ер адамға да пышақ жарақатын салған. Көршісі алған жарақаттарынан қайтыс болды.
Оқиғадан кейін күдікті болған жағдайды туыстарының біріне айтқан. Ол дереу полицияға хабар берген.
Құқық қорғау органдары ер адамды ұстады. Сот күдіктіні қамауға алу туралы бұлтартпас шара қолданған.
Қазір оқиғаның барлық мән-жайы анықталып жатыр.
