USD
Тоқаев Таяу Шығыстағы қақтығыстарды дипломатиялық жолмен шешуге шақырды
Қазақстан Президенті Қасым-Жомарт Тоқаев Израиль президенті Ицхак Герцогпен кездесіп, екіжақты ынтымақтастық пен Таяу Шығыстағы ахуалды талқылады. Кездесу Бакуде өткен Азиядағы өзара іс-қимыл және сенім шаралары кеңесінің (АӨСШК) жетінші саммиті аясында өтті.
Ақорда мәліметінше, тараптар Қазақстан мен Израиль арасындағы қарым-қатынастың қазіргі жағдайы мен оны одан әрі дамыту мүмкіндіктерін қарастырды. Әсіресе сауда-экономикалық байланыстарды кеңейтуге және инвестициялық серіктестікті нығайтуға басымдық берілді.
Қасым-Жомарт Тоқаев Ицхак Герцогтің сәуір айында Астанаға жасаған сапары екі ел арасындағы байланысты нығайтуға ықпал еткенін атап өтті. Өз кезегінде Израиль президенті Қазақстанға сапарын оң бағалап, елдің түрлі саладағы жетістіктері екіжақты ынтымақтастықты тереңдетуге мүмкіндік беретінін айтты.
Сондай-ақ Ицхак Герцог Қазақстанның Бейбітшілік кеңесіне қосылуын құптап, бұл шешімнің бейбітшілік пен тұрақтылықты нығайту тұрғысынан маңызын атап өтті.
Кездесу барысында халықаралық күн тәртібіндегі мәселелерге де назар аударылды. Атап айтқанда, тараптар Таяу Шығыстағы жағдай жөнінде пікір алмасты.
Мемлекет басшысы аймақтағы шиеленісті төмендетіп, қақтығыстарды дипломатиялық
