Жалған құжатпен шекара аспақ болған: Қазақстанда жыл басынан бері жүздеген қылмыстың жолы кесілді

ҰҚК Шекара қызметі өткізу пунктерінде жалған немесе бөгде адамның құжаттарын пайдаланған азаматтарды елге кіргізбеу бағытындағы бақылауды күшейтті.

Тек осы жылдың басынан бері шекаралық бақылау барысында осындай 200 заң бұзу фактісінің жолы кесілді.

Тәртіп бұзушылардың басым бөлігі жалған визалар мен үшінші тұлғалардың дербес деректері жазылған құжат бланкілерін пайдалануға тырысқан. Мұндай жағдайлар, әсіресе, еліміздің оңтүстік шекаралық аймақтарында және халықаралық әуе желілерінде жиі анықталып отыр.

Салыстырмалы түрде айтсақ, 2025 жылы шекарадан бөгде немесе қолдан жасалған құжатпен өтпек болған 661 заң бұзу тіркелген болатын.