USD
Қазақстандық шпажист Кирилл Проходов Аичи-Нагоядағы ХХ жазғы Азия ойындарында күміс жүлдеге ие болды.
19 жастағы спортшы семсерлесуден жеке жарыстың финалында Жапония өкілі Коки Каноға қарсы шығып, 13:15 есебімен жеңіліп қалды.
Проходов финалға дейін Қытай Тайбэйінің өкілі Илу Гастон Гийемоны 15:14, ал Қытай спортшысы Лань Минхаоны 15:7 есебімен ұтты.
Коки Кано — екі дүркін Олимпиада чемпионы. Ол Токио Олимпиадасында командалық жарыста, ал Париж Олимпиадасында жеке сында алтын медаль алған. Парижде жапон спортшысы командалық есепте күміс жүлдеге де қол жеткізді.
Айта кетейік, Кирилл Проходов биыл командалық жарыста Азия чемпионы атанған. Сол додада Қазақстан құрамасы финалда Жапонияны жеңіп, Проходов шешуші кезеңде Коки Каномен сайысқан еді.
