USD
БҚО-да алимент бойынша қарыз 250 млн теңгеден асты
Батыс Қазақстан облысында балаларына алимент төлеуден жалтарып жүрген ата-аналардың берешегі 250 млн теңгеден асты. Қазіргі таңда 600-ден астам бала өз ата-анасынан тиісті төлемді уақытында ала алмаған.
Облыс прокуратурасының мәліметінше, борышкерлердің бірі екі жыл бойы баласына алимент төлемеген. Сонымен қатар ол шамамен 4 млн теңгені құмар ойындарға жұмсап, ақшадан айырылған.
Осы факті бойынша ер адамға қатысты қылмыстық іс қозғалған. Құқық қорғау органдары араласқаннан кейін борышкер баласына жиналып қалған 2,6 млн теңге көлеміндегі алимент қарызын өтеген.
Прокуратура жүргізген жұмыстардың нәтижесінде 600-ден астам баланың пайдасына жалпы сомасы 250 млн теңгеден асатын алимент берешегі өндірілген.
Ведомство алимент төлеу ата-ананың заңмен бекітілген міндеті екенін еске салып, балалардың құқығы мен мүддесін қорғау бағытындағы жұмыстар жалғасып жатқанын хабарлады.
