Дзюдошы Әділет Алмат Азия ойындарының күміс жүлдесін иеленді

Қазақстандық дзюдошы Әділет Алмат Жапонияда өтіп жатқан Азия ойындарында күміс жүлдеге ие болды.

81 келіге дейінгі салмақта өнер көрсеткен спортшы шешуші белдесуде Жапония өкілі Сотаро Фудзиварамен кездесті. Тартысты өткен финалда жеңіс алаң иесіне бұйырды.

Осылайша, Әділет Алмат Қазақстан құрамасының қоржынына дзюдодан үшінші күміс медальді қосты.

Бұған дейін осы спорт түрінен 48 келіге дейінгі салмақта Әбиба Әбужақынова, ал 60 келіге дейінгі санатта Елдос Сметов күміс жүлдеге қол жеткізген болатын.

Әділет Алматтың нәтижесі Қазақстанның Азия ойындарындағы дзюдо құрамасының жүлделер қатарын толықтыра түсті.