USD
Аргентиналық футбол жұлдызы Лионель Месси Испанияның CD Eldense клубын сатып алды. Бұл туралы команданың баспасөз қызметі ресми түрде хабарлады.
Клубтың жаңа иесінің келуі ғасырдан астам тарихы бар команда үшін жаңа кезеңнің басталуына жол ашты. Басшылық Мессидің қатысуы клубтың спорттық нәтижелерін ғана емес, басқару жүйесі мен әлеуметтік бағыттарын да дамытуға ықпал етеді деп күтеді. Мәміленің қаржылық шарттары әзірге жарияланған жоқ.
Eldense алдағы уақытта Испанияның кәсіби футболындағы позициясын нығайтуды көздеп отыр. Сонымен қатар клуб өзінің тарихи дәстүрлері мен жанкүйерлерімен қалыптасқан байланысын сақтауды жоспарлайды.
Алайда мәміле әлі түпкілікті бекітілген жоқ. Бұған Мессидің Испаниядағы басқа футбол клубына да иелік етуі себеп болып отыр.
Аргентиналық футболшы қазіргі уақытта бесінші дивизионда өнер көрсететін UE Cornellà клубының да иесі. Испания заңнамасына сәйкес, бір адамның бірнеше футбол клубындағы үлесіне белгілі бір шектеулер қойылған. Бұл талаптар командалар арасындағы бәсекелестікке ықпал етпеуді көздейді.
Сондықтан Мессидің Eldense клубын сатып алу мәмілесіне Испанияның Жоғары спорт кеңесі баға беруі тиіс. Оның негізгі міндеті — келісімнің қолданыстағы заң талаптарына сәйкестігін анықтау.
CD Eldense Аликанте провинциясындағы Эльда қаласында орналасқан. Клуб 1921 жылы құрылған және Испания футболының екінші деңгейі саналатын Сегунда дивизионында өнер көрсетеді. Команда бұған дейін де бірнеше рет осы лигаға көтерілген, соның ішінде 2025/26 жылғы маусымда Сегундаға жолдама алған.
