USD
2026 жылдың қыркүйегінде Ұлттық қауіпсіздік комитеті Бас прокуратурамен бірлесіп, Экология және табиғи ресурстар министрлігі Орман шаруашылығы және жануарлар дүниесі комитетіне қарасты «Семей орманы» мемлекеттік орман табиғи резерватының лауазымды тұлғаларына қатысты заңсыз әрекетті тоқтатты.
Тергеу мәліметтеріне сәйкес, күдіктілер ағаштарды жаппай заңсыз кесу және кейіннен оны сату бойынша жүйелі схема ұйымдастырған деген күдікке ілінген. Алдын ала дерек бойынша, белгілі бір қаржылай сыйақы үшін олар орманның коммерциялық тұрғыдан ең құнды учаскелеріне кедергісіз кіруге мүмкіндік берген.
Арнайы іс-шаралар барысында бірқатар заттай дәлел тәркіленді. Олардың қатарында бухгалтерлік құжаттар, ағаш кесуге бөлінген орман кварталдары мен қаржы қаражаты көрсетілген қолжазба жазбалар, сондай-ақ іске қатысты өзге де материалдар бар.
Аталған дерек бойынша Қазақстан Республикасы Қылмыстық кодексінің 366-бабының 3-бөлігі бойынша сотқа дейінгі тергеу жүргізіліп жатыр.
Қазіргі уақытта тергеу жалғасуда. Іске қатысты өзге мәліметтер Қазақстан Республикасы Қылмыстық-процестік кодексінің 201-бабының 1-бөлігіне сәйкес жария етілмейді.
