USD
Қазақстаннан 2027 жылы 4300 адам қажылыққа бара алады
2027 жылғы қажылық маусымында Қазақстанға 4300 орын бөлінді. Тиісті келісімге Қазақстан мұсылмандары діни басқармасы мен Сауд Арабиясы Корольдігінің өкілдері қол қойды.
ҚМДБ баспасөз қызметінің мәліметінше, құжатқа Бас мүфти Наурызбай қажы Тағанұлы мен Сауд Арабиясының Қажылық және умра министрі Тауфиқ бин Фаузан әр-Рабиа қол қойған.
Келісімде қазақстандық қажылардың сапарын ұйымдастыруға қатысты бірқатар маңызды мәселе қамтылған. Атап айтқанда, қажылардың қауіпсіздігін қамтамасыз ету, медициналық талаптарды сақтау және көрсетілетін қызметтердің сапасын бақылау мәселелеріне басымдық берілген.
Сонымен қатар тараптар қажыларды орналастыру, тасымалдау және қажетті қызметтерді ұйымдастыру бойынша өз міндеттерін нақтылаған.
Осы келісімге сәйкес, 2027 жылғы қажылық маусымында Қазақстан атынан 4300 мұсылман қасиетті Мекке мен Мәдина қалаларына сапар шегу мүмкіндігіне ие болады.</
