USD
Кеше Каспий теңізіндегі оқу-жаттығу кезінде жағаға аман жеткен үш сарбаздың бірі – 19 жастағы Бекет Мырзағалиев. Бүгін оның анасы Қарлығаш Мырзағалиева жергілікті «Ақ Жайық» басылымына сұхбат беріп, ұлының қалай аман қалғанын айтып берді.
Оның айтуынша, Бекет жағаға өз күшімен жүзіп шыққан.
«Ұлым аман қалды, соған Аллаға шүкір деймін. Бүгін Ақтауға келіп, баламызды көріп, жүрегіміз орнына түсті. Ол дін аман, өзі жүріп-тұр. Апат кезінде ол жағаға өзі жүзіп шыққан. Ал қайғылы оқиғаның мән-жайын тексеру көрсетер», – деді Қарлығаш Мырзағалиева.
Бекет Мырзағалиев Атырау облысы Махамбет ауылында туған. Ол Отан алдындағы әскери борышын өтеуге 2025 жылғы 3 қазанда шақырылған.
